ໃນວັນທີ 24 ກັນຍາ 2024 ທີ່ຫ້ອງປະຊຸມຄລາວພຣາຊາ ນະຄອນຫລວງວຽງຈັນ ໄດ້ມີກອງປະຊຸມໜ່ວຍງານວິຊາການ ຂະແໜງການສຶກສາ, ວິທະຍາສາດ ແລະ ກິລາ ລະດັບວິຊາການ, ໂດຍເປັນກຽດເຂົ້າຮ່ວມຂອງທ່ານ ປອ ສໍາລານພັນຄະວົງ ຮອງລັດຖະມົນຕີກະຊວງສຶກສາທິການ ແລະ ກິລາ, ມີທ່ານ ທ່ານ ນາງ ເບນີຕາ ສົມເມີວິວ ຮອງເອກອັກຄະລັດຖະທູດອົດສະຕຣາລີ ແລະ ທ່ານ ນາງ ເວຍເລີ ສະເມັດ ຫົວໜ້າຝ່າຍປະສານງານ, ຫ້ອງການສະຫະພາບເອີຣົບ, ພ້ອມດ້ວຍຫົວໜ້າ, ຮອງຫົວໜ້າຫ້ອງການ, ກົມ, ສູນ, ສະຖາບັນ ແລະ ຄະນະຮັບຜິດຊອບວຽກງານກ່ຽວຂອງເຂົ້າຮ່ວມ.
ກອງປະຊຸມຄັ້ງນີ້, ຈັດຂຶ້ນເປັນຄັ້ງທີ 3 ຂອງປີ 2024, ຊຶ່ງໃນກອງປະຊຸມດັ່ງກ່າວ ໄດ້ຮັບຮອງເອົາບາງເອກະສານທີ່ສໍາຄັນຈໍານວນໜຶ່ງ ເປັນຕົ້ນແມ່ນ ຮັບຮອງຜົນການຄັດເລືອກຕົວແທນຜູ້ຄຸ້ມຄອງທຶນ GPE (STG ແລະ SCG), ຮັບຮອງບົດສະເໜີໂຄງການເພື່ອຮັບສະໝັກເອົາທຶນມາພັດທະນາເອກະສານໂຄງການ STG, ປຶກສາເພື່ອປືກສາຫາລື ແລະ ແລກປ່ຽນຄໍາຄິດເຫັນ ກ່ຽວກັບຂະບວນການ ໃນການສ້າງແຜນ 5 ປີ ຄັ້ງທີ 10 (2026-2030), ປືກສາຫາລືກ່ຽວກັບແຜນການເພີ່ມງົບປະມານສໍາລັບໂຄງການ GPE III ແລະ ນອກຈາກນັ້ນ ຍັງໄດ້ລາຍງານກ່ຽວກັບ ແຜນບູລິມະສິດໃນການພັດທະນາການສຶກສາ ສໍາລັບສົກຮຽນ 2024-2025.
ຂໍ້ມູນຈາກ: ກົມແຜນການ
ຂຽນຂ່າວ: ບຸນທະວີ
