ສະຖາບັນພັດທະນາການບໍລິຫານການສຶກສາໄດ້ຈັດກອງປະຊຸມໃນຄັ້ງນີ້ເປັນຊຸດທີ 31 ຂອງໂຄງການ EESDP ແລະ ເປັນຊຸດທີ 02 ຂອງປີ 2025, ກອງປະຊຸມໄດ້ຈັດຂຶ້ນທີ່ ຫ້ອງປະຊຸມ ສູນ ຝຶກອົບຮົມຜູ້ບໍລິຫານການສຶກສາ ເມືອງວັງວຽງ ແຂວງວຽງຈັນ. ພິທີດັ່ງກ່າວໄດ້ໄຂຂຶ້ນໃນເວລາເວລາ 8:30 ໂມງ. ຂອງວັນທີ 05 ພຶດສະພາ 2025 ໂດຍໃຫ້ກຽດເປັນປະທານຂອງ ທ່ານ ປອ. ພອນສະຫວັນ ວົງສາຄຳຜຸຍ ຮອງຜູ້ອຳນວຍການສະຖາບັນພັດທະນາການບໍລິຫານການສຶກສາ. ກອງປະຊຸມໄດ້ດໍາເນີນເປັນເວລາ 06 ວັນ ເລີ່ມແຕ່ວັນທີ 05 - 10 ພຶດສະພາ 2025 ໃນພິທີດັ່ງກ່າວຍັງມີ ຄະນະຮັບຜິດຊອບ, ຜູ້ອຳນວຍການສູນ, ຄະນະວິທະຍາກອນ ແລະ ສໍາມະນາກອນ ເຂົ້າຮ່ວມທັງໝົດ 64 ທ່ານ, ຍິງ 06 ທ່ານ
ການຝຶກອົບຮົມໃນຄັ້ງນີ້ແມ່ນໃຊ້ເວລາ 06 ວັນ ເລີ່ມແຕ່ວັນທີ 04-11 ພຶດສະພາ 2025 (ກວມທັງມື້ເດີນທາງ) ຊຶ່ງມີວິທີການຈັດຝຶກອົບຮົມດັ່ງລຸ່ມນີ໊: ມີການທົດສອບຄວາມຮູ້ກ່ອນ ແລະ ຫຼັງການຝຶກອົບຮົມ; ບັນຍາຍໂດຍການນຳສະເໜີເນື້ອໃນດ້ວຍຮູບແບບການນຳໃຊ້ power piont; ຈັດກິດຈະກຳກຸ່ມເພື່ອແລກປ່ຽນການຮຽນຮູ້ລະຫວ່າງຜູ້ເຂົ້າຮ່ວມດ້ວຍກັນ;ນຳສະເໜີຜົນການຄົ້ນຄວ້າ ສົນທະນາແລກປ່ຽນກັນລະຫວ່າງຄູຝຶກກັບຜູ້ເຂົ້າຮ່ວມເນື້ອໃນຂອງການຈັດກອງປະຊຸມປະກອບມີລາຍລະອຽດດັ່ງນີ້:
ຫົວຂໍ້ທີ 1: ບົດບາດໃໝ່ຂອງຜູ້ອຳນວຍການໂຮງຮຽນໃນການເປັນຜູ້ນຳທາງດ້ານການສອນ
ຫົວຂໍ້ທີ 2: ການຮຽນການສອນແບບເອົາຜູ້ຮຽນເປັນໃຈກາງ
ຫົວຂໍ້ທີ 3: ການອໍານວຍຄວາມສະດວກສໍາລັບຜູ້ອຳນວຍການໂຮງຮຽນ
ຫົວຂໍ້ທີ 4: ການຝຶກສອນ ແລະ ໃຫ້ຄໍາແນະນໍາ
ຫົວຂໍ້ທີ 5: ການຕິດຕາມ ແລະ ປະເມີນຜົນການຮຽນການສອນ
ຫົວຂໍ້ທີ 6: 15 ວິທີການສອນທີ່ເອົາຜູ້ຮຽນເປັນໃຈກາງ
ຫົວຂໍ້ທີ 7: ແຫຼ່ງຂໍ້ມູນການຮຽນຮູ້ຂອງຄູມັດທະຍົມ Setlearning.Com
ຜົນໄດ້ຮັບ:
- ຜົນການປະເມີນກ່ອນ ແລະ ຫຼັງການຝຶກອົບຮົມ
- ຜົນຂອງການປະເມີນກ່ອນ ສໍາມະນາກອນທັງໝົດຈຳນວນ: 31 ທ່ານ; ຄໍາຖາມທີ່ໃຊ້ໃນການປະເມີນຈໍານວນ 20 ຂໍ້, ຜູ້ທີ່ຕອບໄດ້ຄະແນນ 10 ຂໍ້ ຂື້ນໄປ ມີ 08 ທ່ານ ເທົ່າກັບ 81%, ຜູ້ທີ່ຕອບໄດ້ຄະເເນນ 9 ຂໍ້ ລົງມາ ມີ 23 ທ່ານ ເທົ່າກັບ 74.19 %. ລວມຜົນການປະເມີນກ່ອນ ເທົ່າກັບ 36.00%.
- ຜົນຂອງການປະເມີນຫຼັງ ຜູ້ທີ່ຕອບໄດ້ຄາດໝາຍ 10 ຂໍ້ຂື້ນໄປ ມີ 27 ທ່ານ ເທົ່າກັບ 10% , ຜູ້ທີ່ຕອບໄດ້ຄະເເນນ 9 ຂໍ້ ລົງມາ ມີ 4 ທ່ານ ເທົ່າກັບ 12.90 %. ລວມຜົນການປະເມີນຫລັງ ເທົ່າກັບ 63,55 %.
- ສົມທຽບກັບການປະເມີນກ່ອນແມ່ນເພີ່ມຂື້ນ 27,55 %.